 |
Lu dialettu sicilianu
La me terra, è granni storia,
tuttu 'u munnu àvi rispettu,
quanti "gemmi", quanta gloria,
la so lingua: lu dialettu!
Lu dialettu d' 'a me terra,
vi lu giuru, è sapuritu,
iddu ammalia, a tutti afferra,
beddu, azzenti... anticchia arditu.
Lu dialettu sicilianu,
è 'na vera rarità,
è lu "DO" di 'na sopranu...
è 'na partitura in "LA!"
Duci, amabili, ruffianu,
quannu 'u senti ti ristori,
ti cattigghia e a manu - a manu...
trasi dintra lu to cori.
Jò rispettu lu dialettu
d'ogni terra: è tradizioni!
Ma lu nostru è cchiù d'effettu,
non su' frasi, su' "emozioni".
Patri "Danti", lu toscanu,
jò lu sacciu, 'un mori mai
ma lu nostru, 'u sicilianu,
ti lu giuru... è megghiu assai!
Giuseppe Vultaggiu
(Poeta, autore di testi teatrali, attore, regista, musicista nato nel 1964 a Trapani dove vive)
Gaetano Masuzzo/cronarmerina
E ci torna, co’ dialettu
RispondiElimina“nunn’è pupu, è san Calò”
ti lu dicu chiaru e nettu
sallu sèntiri, perciò.
.
E’ la lingua siciliana
matri puru a patri Danti
è la nascita luntana
di puisìa d’antichi canti
.
e la so’ primiginìa
munnu munnu è supramisa
e quant’autra camurrìa
ricanusci quantu pisa.
.
Epperciò, caru Pippì,
nun si parra di dialettu
ma di lingua ca nascì.
Sicilianu, è primu lettu.
mi piace questa dialettica fra due poeti ,uno più bravo dell'altro.Non fanno altro che confermare la bellezza del dialetto siciliano.Ma ragazzi non dimentichiamo il dialetto armerino.Inconfondibile anche nell'accento.Ovunque vado e trovo oriundi o anche altre generazioni mi chiedono se sono dell'ennese ,si sente dal suono.
RispondiEliminaEh, cara Rosaria carissima, ti arringrazio per la tua piacenza e per la valutazione di bravanza che benignamente mi assegni, ma per il dialetto armerino, il nostro gallo italico, nun ti pozzu iutari. Quello, il nostro dialetto, è, a scrivìrlu, accussì ntricatu e 'mpidugghiatu e 'ncudduriatu ca lu capisciu 'nticchia, sulu di quannu frequentu i 4 di la Virmarì, ca furranu Testa e Libertino e Platania e Tòdaro, il nostro personalissimo quartetto Cetra ca musichìa a la ciacèsa. Epperciò mi iunciu a sta bonaguranza to' e ti ossequiu, sicilianu, cu un "salutamu e baciamo le mani".
RispondiEliminaCià.