Beddu Paraturi

Contrada Paratore a Piazza Armerina*

Dedicata a tutti coloro che già sono o andranno in villeggiatura tra le belle contrade piazzesi

Lu me beddu Paraturi

- A Pietro Giusto, storico e poeta -

Ch'é bedda sta campagna sularina,

tra boschi e pigni, e 'mmenzu a du' vadduna,

unni a 'na nica e rùstica casina

pèrguli e sciuri ci fannu curuna!

Luntanu di la vita cittadina,

'ngrassu cuntentu e nuddu mi 'mportuna:

prestu m'aggiuccu e prestu di matina

mi sbigghia di lu gaddu la canzuna.

Dintr'a 'na fonti chi manteni frisca

l'acqua e gustusa, ammucciatu cu frasca,

iu tegnu ammoddu a mé cumpari sciascu.

'Ssunta la sarsa cu la pasta 'mmisca;

supru lu càciu comu nivi casca...

bivu e lu stagnu a lu fangottu rascu.

Gerolamo Giusto, 1933

*La contrada si trova nei pressi del Ristorante Mosaici "da Battiato". 

Gaetano Masuzzo/cronarmerina