Sepolcro barone Marco Trigona, XVII sec., Cattedrale, Piazza Armerina
Sepulcher baron Marco Trigona, 17th century, Cathedral, Piazza Armerina

mercoledì 13 agosto 2014

Sciroccu

u viddanu... a l'umbra menzu mortu s'arramazza.

 

SCIROCCU


Chiana lentu nni l'ària 'nfuscatizza
u suli ch'è malatu di giarnazza;
a pianta ch'era virdi 'na biddizza
ci 'mpinnulìanu sutt'a botta i vrazza.

Sta dintra a rinnuledda siddiatizza,
e a tùrtura nn' u boscu nun svulazza;
u viddanu s'affanna e pp'a stanchizza,
a l'umbra menzu mortu s'arramazza.

Mi sentu nn'a pirsuna allaccarata
'na muddàcchia, 'na noia di campari,
ca dòrmiri vurria tutt'a iurnata.

E si stu focu a tramuntana 'un stuta,
e n'hai vògghia, Ssuntì, di purmuniari...
oh comu ci 'ncasciassi 'na chiuvuta!

Girolamo Giusto, Scagghi e risugghi, Milano 1933

Gaetano Masuzzo/cronarmerina

1 commento:

  1. Meglio non si poteva spiegare la tipica "stanchezza" siciliana....

    RispondiElimina